كانت الحياة جميلة جدا وخلاص هنلعب مع الأفريقى ويقوم يشاء ربك والثورة تقوم فى تونس
قلنا خلاص بقى مش مهم الافريقى ومش مهم افريقيا وبلاش الكلام ده ونركز فى الدورى واييييييييييييييه فارقين عن الاهلى ب 5 نقاط وخلاص هناخد الدورى يقوم يشاء ربك والثورة تقوم فى مصر
قالك خلاص بما ان الاوضاع مش مستقرة فى مصر ولازم نلعب ماتش فى بطولة افريقيا مع ستارز الكينى قلنا الاخوة والاشقاء الليبيين هيستضيفوا الماتش وبرضه يشاء ربك والثورة تقوم فى ليبيا والقذافى وعيلته يتخزوقوا
قلنا خلاص بما ان الماتشات الرسمية وشها زى ال خ.. علينا كده خلينا فى الودى , ونروح نلعب ماتش ودى فى سوريا نرجع من هنا والثورة تقوم فى سوريا من هنا
حتى المئوية قلنا هنجيب ليفربول عشان يلعب فى مصر ويشاء ربك الثورة تقوم فى انجلترا والبلد تولع
حطينا اعلانات ( يورك ) بتاع التكييفات والجو قلب تلج وسقعة
حطينا اعلانات توتال بتاع البنزين وحصلت الازمة ومن ساعتها الملثم مقضيها تفجيرات فى خط الغاز هو كمان
واليوم اللى قلنا نعمل هدنة ونصفى الجو بيننا وبين التراس الاهلى تانى يوم تحصل مجزرة بورسعيد
لكن اللى زاد وغطى والمصيبة الكبرى
ان بعد دخلة الزمالك على الطريقة اليونانية بتاعة فريق بناثنايكوس فى ماتش الاسماعيلى اليونان تحترق الآن والثورة مشتعلة
عاوزين تعرفوا ايه السبب فى النحس الأزلى ده
عاوزين تعرفوا مين بوز الاخص اللى فقرنا
اتفرجوا عالفيديو ده هتعرفوا
دلوقتى بس انا عرفت احنا ايه اللى ناحسنا
والله لو عملتوا ايه
توفيق عكاشة سره باتع
دى ردود افعال الزملكاوية بعد الخبر الشؤم ده
شيكابالا عيط واحمد حسام بيهديه
وحازم امام مستحملش الصدمة
ووحيد مش مستوعب واصيب بتشنجات
الالتراس حالتهم النفسية فى الارض وقرروا يعتزلوا التشجيع
أحمد شفيق : إيـــــــه؟!! :D
دى ردود افعال الزملكاوية بعد الخبر الشؤم ده
شيكابالا عيط واحمد حسام بيهديه
وحازم امام مستحملش الصدمة
ووحيد مش مستوعب واصيب بتشنجات
الالتراس حالتهم النفسية فى الارض وقرروا يعتزلوا التشجيع
أحمد شفيق : إيـــــــه؟!! :D
0 Comments:
Post a Comment