الحرية ندفع تمنها ولو مليون تابوت
الحرية علشانها ما يهمناش الموت
خلاص ما عادش ينفع سكوت
وازاي نسكت ع الجبروت؟
بعد كفاح ونضال وصمود
بعد ما ثورنا ع الطاغوت
اللي حكمنا بنار وبارود
واللي قتلنا بكل برود
يبقي ازاي تاني سكوت
هو احنا عبيد نتساق بالسوط
والا اطفال بنخاف م الصوت؟
دا احنا احرار اباء وجدود
وللحرية قطعنا عهود
وعشان كرامتنا كسرنا قيود
وهتفنا بحرقة وعلو الصوت
يا نعيش احرار يا إما نموت
بقلمي - ناهد احمد
0 Comments:
Post a Comment