عوالم حارة الوسط

لما عوالم حارة الوسط
يبقوا لابني وابنك مستر
لما الهايفة بهز الوسط
تتعين علي ابنك تتشر
يبقى خلاص هنقول استوب
دا احنا فى زمن الفاستر استر


لما الشيشة تخش الجامعه
ويكركروا الكوبي ابو لمعه
وبيتمشوا فى شارع موستار
وف ايدهم بالستين بوستر
يبقى خلاص هنقول استوب
دا احنا فى زمن الفاستر استر

لما سمير يبقى اسمة سيمو
وان جيه ناجي يقوله يا جو
قضيها فواكة وجوسات
والعب جم فى قصر ديمو
يبقى خلاص هنقول استوب
دا احنا فى عصر الفاستر استر

لما زد احمد يبقى السير
وام سلامة متر دوتيل
وعيالهم فى ابو زعبل انسوا
فضايحهم تتكال بالكيل
يبقى خلاص هنقول استوب
دا احنا فى عصر الفاستر استر

لما نجمع عزبة بحالها
على رقاصة وشرشوحتين
لما ننيم جيلنا بحاله
في البلاليص يتغطوا بطين
يبقى خلاص هنقول استوب
احنا فى زمن الفاستر استر

جاتكم نيلة شعب عبيط
جاتكم نكبة لي سيبتوا الغيط
فاكرين اية هيعدوا المانش
لما يروحوا بلاد الفاستر


Faster Ester فاستر استر نوع من انواع الملح
Teacher تتشر
Mètre d'hôtel متر دوتيل
Sir السير

فلسفة من اشلاء الاطفال

بقلم: عماد رجب


من طفل
من ام
من اب مهتم

فلسفة
لا بل قل فلسفات

تحت الانقاض
فوق رفات الاجداد
ممن قتلوا
ها هنا
فى نفس المكان
بنفس الصورة
على مراى العيان

وكانة
قد كتب على اهل الديار
ان المكان
ما عاد يرضى ودنا
ما عاد يغوية الغنا
هذا الشجر
ما عاد يفرح بالمطر
ما عاد يغرية الندى
ما عاد يطربة السحر

ان الدموع الاتية
من بحر عينى
لن تجف
ستظل تذرف كلما
ولد هنا
طفل وطفل
فمصيرهم دوما دما
ومصيرهم قتل وحتف

نشرتها جريدة الوطن الامريكية

يا هذا

يا هذا
هل انت أصم
أم أصبحت صريع الهم
أم تعلم ما يحدث لكن
لا تكترث ولا تهتم

في بلدي يقتل أطفال
في بلدي نلقى في اليم
في بلدي تسبى الزوجات
أو يخطف أبناء العم

وردودك دوما يا هذا
لا تكترث ولا تهتم


في بلدي قصص الشهداء
قصص الايهم والهيثم
وصغار تقصف يوميا
بالعناقيد و بالنابلم

وردودك دوما يا هذا
لا تكترث ولا تهتم

في بلدي يكتب تاريخ
لا يكفيه كثير الكم
من ورق أو من أحبار
من جلدٍ يصبغة الدم

وردودك دوما يا هذا
لا تكترث ولا تهتم

يا هذا بيتي يتهدم
يا هذا اقتل إن لم
أعلن أنى بريء منى
وأقاتل أبناء العم

وردودك دوما يا هذا
لا تكترث ولا تهتم
وأنا أيضا لن اهتم
من ابكم ذا قلب أصم
عماد رجب
نشرتها صحيفة الحقائق اللندنية فى طبعتها الدولية وجريدة الوطن الامريكية

نشرتها جريدة الرياض السعودية اليوم فى عدد الجمعة الاسبوعي
الجمعة 24 رجب 1427هـ - 18 أغسطس 2006م - العدد 13934

باعوا القضية

الى روح ناجى العلى
طفل صغير
على الحيطان مرسوم
ايده ورا ضهرة
خايف من المقسوم
خايف يناجى الليل
يسال عن الصباح
ومن ليله بقى خايف
بقى مهموم
ماهو ناجى رسم الولد
وقال دا كل العرب
بكرة برسومى
تتحرك وتتاثر
والليل اكيد ينتهى
والحلم يتفسر
باعوا القضية يا ناجى اتحسر
باعوا القضية وحلمك اتفسر
باعوا القضية يا على
وبنو بيها
بيوت الرمل
اللى سهل تتهدم
وتكسر
والطفل بقى عالحيطان صورة
لا اقل ولا اكتر
باعوا القضية يا ناجى اتحسر
باعوا القضية وحلمك اتفسر
عماد رجب – مصر
Ultra_writer@yahoo.com
نشرتها
جريدة الحقائق الصادرة عن دار الحقائق بلندن فى عددها ليوم 17ابريل2006
صحيفة شرق وغرب الامريكية المطبوعة
وجريدة شباب مصر الالكترونية

انا والابنودي

ارسل اخى العزيز عزت الابنودى

بقصيدة لجريدة شباب مصر

ورددت عليها واحببت ان تقراؤا كلتاهما

عزت الابنودي

ميتين فجر فات
" وبهانة " بتنتظر
الليل دا ليه طويل
والنهار قصر
تتلفت كل صبح
على الطير اللي راجع
وتبحلق في السما
وتصهين على المواجع
باب السما مفتوح
وركابي على الطريق
تترد فيه الروح
وكانه كان غريق
بينفط في الشقا ويحلم باللقا
اللحضة دي بهانة
بتقيد في الكانون
وبهية بتستخبي
بتلعب في الطاحون
ركابي يدق بابه
تزعق بهانة ... مين ؟
ركابي قال "ركابي"
متعفر بالحنين
بهانة مصدقتشي
تضحك ولاتبكي
تجري ولاتمشي
تتأكد أنه هووه ..
تزعق وهي جوه
بصوت له رنين ....
مين ؟؟
ركابي قال " ركابي "
يأم وش ناير
تعدل جلابيتها
وتلملم في الضفاير
ـــــــــــــــــــ
السكة بهدلتني
والغربة دي جنان
ولولا اني صاحي
وقلبي فيه إيمان
قالتله وي سلامتك
ياسبعي من الجنان
ركابي يرمي بدنه
على الفرشه الطريه
ويعدل راسه فجاة
ويزعق فين بهيه
تقوله بس مالك
ماترتحلك شويه
ويصنت الكلام
ويرفرف الحنين
وتدور الرحاية
والطحين عجين

ورددت قائلا
يا ركابى ما تنكسفش

عماد رجب

(12/28/2005 3:56:43 AM)

يا ركابى متنكسفش
اسرح ويا العنان
وارمى الحمول وعدى
والبتس توب الايمان
بهانة قعدة اهية
تستنى من زمان
امتى ترجع يا عمرى
ونحسن بالامان
بهانةدى ست واعية
على البيت دايما تحاجى
وان غيبت كتير يا عمرى
ترجع تلقى بهانة
راضية بس باوان
يا ركابى هتروق وتحلى
وترجع الزمان
وتحسس قلب ابنك
وبنتك بالحنان

اتمنى ان تعجبكم الرسالة وردها

شادية وشادي

هية صحيح الغارة بتقتل؟
ولا تدمر ؟
ولا بتنسف؟
ولا بتبتر رجل صغار؟

بيقولوا غاراتهم ما بتقتل
وبترمى لنا لعب اطفال
وما تقتل غير الغدار

والغدار زى ما بيقولوا
كان اسماؤهم شادية وشادى
وبيلعبوا زى الاطفال
جات اللعبة فى ايدين شادى
قتلت ولدى حلم الوادى
ومعاه شادية وكل الدار

احنا بنسال وبنتسال
يالى رميت اللعبة القاتلة
لية تقلتوا بيها الاطفال
وتقطعوابيها الاوتار



علشان شادى ميبقاش شادى؟؟؟
ولا شادية تغنى لنزار؟؟؟؟
ابدا
لازم يجى نهار
ويعود شادى
بعودة ينادى
والشادية تعيد الاوتار

نشرتها مجلة هستريا السعودية

سألت عم الحكيم

اهداء الى حبيبى عم احمد فؤاد نجم ربنا يديلة طولة العمر

سألت عم الحكيم عاوز دوا ليا
دينا وسوسو تعبونى يا عنيا
مين فى التلاتة يا طبيب تنفع زوجة ليا
افرح انا بيها تفرح كمان هية

بتاخدنى دينا عالشغل كل صبحبة
تفطر معايا فى مطعم فول وطعمة
بصراحة فيها شقاوة وشوية حنية
لكن اعكر مزاجها.. تدينى فى عينيا
ولسان يطلع بلاوى .. تردح كمان ليا

والتانى سوس والام .. فى الاصل باريسية
رقة وشقاوة وحلاوة عاوزة المداية
تلبس محزق ملزق ودى موضة صيفية
تنفع فى فسحة يا ناس مش بيت وتربية

والتالتة دينا حناكش قاصر فى ثانوية
تجمع وتضرب جوان متقولش باطنية
تصرف عليك يامة ونايتة يا عينيا
تلقى الحديد فى ايديك وتشوف غيرك هية

مين فى التلاتة يا حكيم تنفع زوجة ليا
افرح انا بيها تفرح كمان هية

رد عليا الحكيم بوصفة سحرية
يوم ما تفكر فى بيت فكر فى تربية
تكتب وتطبخ وتنتج ولبيتها مراعية
وان يوم تميل بهمك تلاقيها مواسية

نشرتها مجلة هستريا السعودية

ممكن ....

هل ممكن يجى تغيير
ونحس يا ناس بالخير
ولا هتموت زهرتنا
ويموت فينا التعبير

محبوس للرأى الاخر
محبوس لقلم وضمير
بيضحى باهلة ومالة
وحياتة فدا للغير

دابن الخطاب علمنا
انك تسمع للغير
وكتير قبلنا قالوها له
عندك اسمع يا امير

محبوس اتعلم منه
ما الحر يحب الطير
والصقر ان يوم قال اسمه
هيقول انا اسمى ضمير

انتهى عهد الطواعية
وبدا عهدك يا اسير
اليوم هنقولها بقوة
هنقول اسمع يا امير

وان شكوى تجيلك مرة
هتقول حقق يا وزير
والعدل يسود والرحمة
ويعم بلدنا الخير



نشرتها جريدة الوعي المصرى ومركز الدراسات الاشتراكية

دقة ابو قلب طيب

انا دقُة أبو قلب طيب

محبوب فى كل مكان

اصلى يا ناس انسان

عابش على الحرمان

لفيت كتير تعبت

ومن الاحلام زهقت



لقيته فجأه جالى

البيه ابو لبس غالى

طبطب عليا وقالى:

يا دقُة يا بو قلب طيب

جالك جواب قريب

هتحقق حلم عمرك

والدنيا هتبتسم لك

بعروسة وشقة غالية

ووظيفة بمكانة عالية

دول ليك انت يا دقة



فرحت كتير فرحت

على الوظيفة رهوان

مسكين منا الغلبنا

زهقان من الحرمان

وقفني الساعي وقال

يا دقة انت عبيط

هى الحداية يابنى

بتلقح كتاكيت


نشرت ضمن اصدارات دار بن لقمان للدراسات والبحوث الادبية العدد 23

عايزين موظف

مكتوب مطلوب موظف
فى شركة غسالات
وشروطه سجل ناصع
ومفهش مخالفات
ويعدى الان وفورا
على قسم التعيينات
وفاجئنى عم عقده
بحجات ومحتاجات

يابنى عايزين موظف
يكون بمميزات
خبره ثلاثون عاما
متعود ع الشتات
الصيف هيكون ف لقصر
والسقعة فابو تلات
خريج كلية برة
وفى اللغات ثبات

ودا جزء مميزات

والجزء التانى يابنى
اسهل م الاولانى
الطول مترين وحبة
علشان مؤهل عالى
مولود فى شهر خمسة
ويكون ف نصه التانى
ولية اخوات تلاتة
بنتين واخوه شحاته
وجوز اخت يكون محامى
مولود فابو اتاتة

ودا جزء مميزات

واخر جزء يابنى
دا مش مهم اقولة
لان الجزء دوا
فى ناس كتير يجوله
الاب يكون موظف
فى وزارة الخزانة
وعيونه عسلى واصلع
واسمه سعيد جزانة

نشرتها جريدة شرق وغرب الامريكية المطبوعة وشباب مصر وصدرت ضمن اصدارات دار بن لقمان للدراسات والبحوث الادبية

حاسس بأمان

انسان جعان عريان سقعان

حاسس بامان ازاى يا جبان

ازاى تنتج وانت فى حرمان

ازاى ترسم.. وفين الالوان



جعان مش لاقى اللى يكفيك

والفول عندك زى البقتيك

ان شفت اللحمة تزوغ عينيك

وتقولى امان.. ازاى يا جبان



سقعان مش لاقى اللى يدفيك

والسقعة يا عينى تتكت فيك

ان غطيت راسك تسقع رجليك

وتقولى امان... ازاى يا جبان



عريان مش لاقى اللى يغطيك

ان جبت الهدمة كتيرة عليك

ويا ريتها يا عم دى بتكفيك

وتقولى امان... ازاى يا جبان



حاسس بامان .. ازاى يا جبن

عصفور الشرق

عصفور الشرق بيغنى
على اللى كان
على اللى اتهد
واللى اتشد
واللى هان
على اللى باعوا الغالى
بأبخس الاتمان
قبضوا مكانة
وصية حضرة السلطان

كتب الرشيد وصفته
لاشجع الشجعان
مكنش يعرف ان الشجاعة
تبقى نادرة فى اخر الازمان
مكنش يعرف ان التراب
اللى رووه بدمهم
يبقى التمن لبدلة السلطان

كان فى الوصية اللى كتبها
جدودنا فى اول الازمان
الى يبع ارضة كانة باع عرضة
يا ايها الانسان
واللى يبيع القدس
يبقى اكيد خسران
لو كان معاه حتى
كل كنور الانس ويا الجان

عماد رجب - مصر

ulra_writer@yahoo.com

نشرتها جريدة شرق وغرب الامريكية

حلق حوش

لسان حال بعض مواقع الادب يقول لكم


اعلم انها اغرب مشاركة قد تروها على الانترنيت كتبتها بعد حوار مع صديق فاض به الكيل وجعلنى مثله ولكن
بعد دخول الكبار الى عالمنا الذى ابتدعناه منذ سنين
بعد ان هربنا من تعنتهم وسفسطتهم علينا فى الصحف والمجلات
بعد ان خانونا فى الواقع ولم يقدموا لنا يد العون يحاولون هدمنا فى الرقمية
بعد ان مللنا من قبليتهم التى فرضوها على المطبوعات فاصبح فلان بن الاديب فلان
وفلانة التى رضخت لاغراءات فلان
وفلان الذى اشترى صفحات من الجريدة لينشر فيها
وفلان صديق فلانه
اليكم ايها الشباب هذه التنبيهات قبل ان يخطر ببالكم النشر فى مواقعنا


1- يجب ان تكون صاحب مبدا وفكرة شريطة ان تكون فكرتنا ومبدانا ( اخلع واكتب )
2- يجب ان يكون لك ديوان ورقى منشور على الاقل ( مش قلت لك دا عالم الرقمية والله لو نشرت فى كل المواقع ولا هيهمنا )
3- يجب ان يزكيك ثلاثة اعضاء من الهيئة التأسيسية ( كلهم من مدرسة حلق حوش اخطف واجرى )
4- يجب ان تكون معروفا بنشاطك فى مواقع ثقافية كبيرة ( اللى هية مواقعنا اللى ملكش مكان فيها اصلا )
5- يجب ان تكون اعمالك مليئة باهات الغرام والعشق والخيانة ووصف النهود والارداف فهى مدرستنا ولا مجال للوطنية او الادب المحترم فكلها (كلام فارغ مش عايزين صداع احنا فى القرن 21 )
5- يجب ان ترسل لنا الف رسالة رجاء وتمنى وخوف واستعطاف ( علشان احنا البج بوس بتوع النت وبرة النت اوعى تنسى نفسك )
6- ان لم نرد عليك فلا تيأس لاننا مشغولون بقراءة الاف الرسائل التى ترد الينا والتى معظمها شكر ومديح واستحسان واستلطاف
هل نتركها ونرى ابداعاتك انت ايها المخرف الاخرق ولا نمد لك ايدينا مش فاضيين لك ( عجبك ولا مش عاجبك )
7 - هل يعجبك موقعنا والاعمال الموجودة به ( اوعى تقول لا - هنقطعك وهنمنعك تنشر فى اى حتة )

دلوقتى ممكن تبعت لنا ونفكر ولو مرديناش عليك متقلقش ممكن تكون راحت فى
Recycle Bin

جريدة الرياض السعودية تنشر قصيدة يا هذا

نشرتها جريدة الرياض السعودية اليوم فى عدد الجمعة الاسبوعي

الجمعة 24 رجب 1427هـ - 18 أغسطس 2006م - العدد 13934